ملا فاضل السكراني

گلت للدوم الی شــوگی مــلا زم مــــــولازم تعــــــذبنی مـــــــلا زم ابزجر وابخزر جاوبنـی مـله زم گبل لازم رمانی وفتـــک بیـــــــه

حب حبنه البعضنه ابغيض منثور ابوحل ذلنه ركسنه اوبعد منثور المجد ظل بس اسم ينحلب منثور الدجل حمل مجدنه وگطع

ما ادري اشلفه گـــــــومي شیلـــــهه المسا ویا سیل أسه غبشـــه شیلهه یگللي الگلب خل یلهـــــه شیــــــلهه الـــــربع کلهـــه ابأســه ومحنه

شبت ولیشب شبشب شایبانی  او شعودن من شبابی شایبانی واذا تنشد یه صاحب شایب آنی ابسبب فرگاک هذا الشیب بیه

یمن جن الهوای اجنون لهواک یظل منی النفس مرهون لهواک لون حین المنیه ایحین لهواک اصیح اهلن وسهلن بل امنیه

علامه الگلب صایربیه بطین عله السمره الطویله المشت بطی چنت ارمی واطیح طبگ بطین هسه الطایح ایطیرامندیه

سهر لیل الشته المسچین حیّه ویون چالگرصته من الرگط حیّه یاهو الساعده ومن بیه حیه وإله منهو الدنه غیر المنیّه

الحی البی یحیّی المجد حطبه ورفض حیّک البس خبث حطبه شجر ذل الجهل بالعجل حطبه نجس حمل الیحمله ونحس فیّه

أحِمده البالعگل ینشار وشّار اشکره وأکره الشرّیر وشّار أود کل من الحش الخیر وشّار منایل سوء یتدهده ابهبیّه

العارف یلبس المعروف للشال وعن یار السفیه الفضل للشال الیفتگ لاتِحمده الحمد للشال الفتگ والشال هم خِلّه وخویّه